Aizpun beraren eta Osasunaren sorrerari buruzko zenbait gako irauliko edo behintzat kolokan jarriko dituen liburua da Eduardo Aizpun, el presidente “olvidado” de Osasuna: “Un navarro ejemplar”.
“Eduardo Aizpun ez zen errepublikazalea izan, bai epaile Errepublikan”, azpimarratu du Victor Moreno historialari eta lanaren egileak. Bigarren Errepublikaren aurka elkar aditu zirenak epaitzeaz gain, aurretik Primo de Riveraren diktaturan ere instrukzio epaile izan zen Eduardo Aizpun. Altxamendu faxista abiatuta gorrien aurkako ebazpenak agindu zituen Zaragozako bortzirietan; Diktaturan Gipuzkoa eta Bartzelonako Tasa Fiskal izan zen eta Talde Juridiko Militarreko Buru. Bartzelonan bizi zelarik elite falangistaren gertuko izan zen: Fiskalak, Armadako Gobernadoreak…
Victor Morenok liburuan azaldu bezala, "frankista hutsa" izan zen Aizpun. Ideia hauek lantzeko Osasunaren sortzaile izan zenari buruzko prentsa artikulu garaikideak eta Eduardo Aizpunek berak sinatutako epaile aginduak bildu ditu. Nabarmendu du Morenok ez duela "senideen inongo laguntzarik izan".
Pamiela argitaletxearekin argitaratutako liburuaren helburua da Aizpunen bizitzaren kontakizuna osatzerakoan dauden hutsuneak betetzea, besteak beste epaile boteretsu izanik ere bere anaia Marcos Aizpun eta haren emazte Rosaura Lopez errepublikazale izateagatik errepresaliatu zituztelarik, argi uztea ez zuela “ezer egin haiek laguntzeko”.
