Hauteskundeen atarian gizarte desberdintasunak ezabatzeko publikoak gara ditzatela eskatu dute gaurko agerraldian Nafarroako Gobernuz Kanpoko erakundeen koordinakundeak, Pobreziaren eta gizarte-bazterketaren kontrako Nafarroako sareak, CERMINek eta REAS Nafarroak.
Gogorarazi nahi izan dute bide-orri "etiko, sozial, politiko eta ekonomikoa" existizen dela, 2030 agenda oinarri duena. Nabarmendu dute gainera "Gizarte Erakundeen Plataformak berak eta parlamentuan ordezkaritza duten alderdiek Pobreziaren eta Desberdintasunaren aurkako Nafarroako Ituna" sinatu dutela legegintzaldi honetan bertan. Horregatik “benetako konpromisoa” eskatu diete politikariei.
"Pobreziaren aurkako konpromisoak eredu ekonomiko solidarioak indartzea eskatzen du" berretsi dute, "pertsonei lehentasuna emanez eta ez etekinak maximizatzeari". Horregatik beharrezkotzat ikusten dute "tokiko ekonomiaren aldeko apustua egiten duten enpresak eta ekimenak indartzeko politikak egitea", "enplegu duinak" bermatuz, "bazterketa-arriskuan dauden eta ingurumen-konpromisoa duten pertsonei aukerak" emanez.
Gizarte Erakundeen Plataformaren ustez "zorrean dago politika herriarekin".
