Iruñerriko AHTren obrek 500 milioi euro inguruko gastua eragingo dute

  • Castejon eta Zaragoza arteko tarteak 1.500 milioi eurorainoko kostua izango du.
  • Etxabakoitzen eraikiko dute Iruñeko tren geltoki berria. 

Zuasti eta Campanas herriak lotuko dituen abiadura handiko trenaren tarteak 500 milio euro inguruko kostua izango du, Maria Txibite Nafarroako presidenteak eta Espainiako Garraio, Mugikortasun eta Hiri Agendako Ministerioko ordezkariek adierazi dutenez. AHTren trenbidearen obrez gain, Iruñeko tren geltokia eraitsiko dute eta berria eraikiko dute Etxabakoitzen; lanak noiz hasiko diren oraindik ez dute iragarri.

Foru Komunitateko lehendakariaren hitzetan, abiadura handiko trena Nafarroara iristeak "aurrera egiten du, eta zalantzarik gabe obren plangintza- eta gauzatze-fasean egiten du". "2022. urtea AHTren inbertsio handieneko urtea izan da Nafarroan, 70 milioi inguruko inbertsioa egin dugu, eta 2023a prestazio handiko trena garatzeko urtea izango da", azaldu du Txibitek.

Bestalde, Zaragoza eta Castejon arteko tartea eraikitzeko 1.500 milioi eurorainoko gastua aurreikusten dute eta trenbidearen zatia eraikitzen hastekoak dira. Udalerria zehaztu ez duten arren, Erriberan ere geltoki bat eraikiko dutela adierazi du Txibitek.  

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!