Parlamentuak aho batez eskatu dio Nafarroako Gobernuari hilabeteko epean negoziazio mahai bat eratu dezala enpresa publikoentzako lehenengo hitzarmena lantzen hasteko. Alderdien arteko akordioa txalotu dute LAB, Lankide, UGT, CCOO, ELA eta CGT sindikatuek. Gobernuari eta CPENi “berehala” esku hartzeko eskatu diete.
Nafarroako hamahiru enpresetako langileen % 95 baino gehiago bulegoetako hitzarmenaren pean daude, eta bizi duten errealitatearen bat egiten ez duela ziurtatu dute.
Martxoaren 31an CPENen administrazio kontseiluko bilera eginen dute, eta gai hau lantzea nahiko lukete sindikatuek. Bilerarekin bat eginez, lanuztea antolatu dute langileen ordezkariek, eta elkarretaratzea eginen dute Nafarroako Gobernuaren egoitzaren aurrean.