Osasunak Sevillaren aurka jokatuko du Kopako final-laurdenetan. Partidua heldu den urtarrilaren 24 edo 25ean izanen da, Iruñean, Sadarren.
Andaluziarrak ez dabiltza fin Ligan baina Kopa da aurten haien sendagai nagusia, eta helburu gisa finkatu du Sanpaoliren taldeak. Aurreko kanporaketan Alaves utzi zuten lehiatik at, Mendizorrotzan.
Sergio Herrera, final-zortzirenetako kanporaketako protagonistetako bat, "pozik" azaldu da "azkenean etxean jokatu ahal izateagatik", "ongi ezagutzen" duten arerio baten aurka.
Atezainak taldea Benito Villamarinetik biziberrituta atera zela ziurtatu du, baina orain jopuntuan "Elxen aurkako partidua" dutela.
Alfat del Pi-n entrenatzen ari dira gorritxoak egunotan, Alacanten bertan. Heldu den astean beraz Kopa, baina igandean arratsaldeko 16.15etik aurrera Ligako partidua, etxetik kanpo, Elx-Osasuna.
Kopako kanporaketak (final-laurdenak):
Real Madrid - Atletico Madrid
Osasuna - Sevilla
Valencia - Athletic Club
Barça - Real Sociedad