Osasunak Erreginaren Kopako final-zortzirenetako partida inpugnatu zuen, Barçak Geyse zelairatu zutelako, baina katalandarrek astelehenean, azken unean aurkeztu zuten gorritxoen salaketaren gaineko helegitea.
Lehiaketa Batzordea atzo arratsaldean bildu zen asteburuko zigorrak zehazteko, baina Barçak helegitea aurkeztu eta bi aldeen informazio gehiago jaso ostean, ostiral honetan bilera bat egitea erabaki du. Ez du susmo onik gaiak, izan ere agerikoa da Geysek txartel gorria ikusi zuela iazko Madrid CFFrekin jokatutako azken kanporaketan, eta beraz zigorra gorritxoen aurka bete behar zuela.
Gainera, Vila-real egoera berean dago. Nagore Calderon sartu zuen Sevillak hamaikakoan horien aurka Kopan, baina jokalariari txartel gorria atera zioten iazko UDG Teneriferen aurkako partidan. Hori dela eta, Castellóko klubak ere errekurtso bat aurkeztu zuen bidegabeko hamaikakoa zelairatzeagatik.