"Ratioen jeitsieraren beharra guztiok partekatzen dugun behar bat dela ikusi dugu" azaldu du LAB sindikatuko Txane Senar bozeramaleak, "Orain hezkuntza departamenduak erantzun bat eman beharko du".
Pandemia garaian ratioak jeitsi ziren, ikasgela bakoitzean ikasle kopuru txikiago bildu zedin, baina normaltasunarekin batera atzerapausua eman du hezkuntzak. "Sindikatuon ustez, beharrezkoa da ikasgeletako ratioak behingoz jeistea, horrek nabarmen hobetuko bailuke Nafarroako hezkuntza kalitatea" adierazi du Senarrek, "Ikasleendako gertuagoko harremana, hezkuntza laguntza premia duten ikasleendako arreta bermatu eta jaiotza tasaren jeitsieraren aurrean ikaslegelak zabalik mantentzea bermatuko du ratioen jeitsiera honek".
2023-2024 ikasturterako ratioen jeitsiera progresiboa aplikatzea eskatu dute LAB, STEILAS, AFAPNA, ANPE CCOO, ELA eta UGT sindikatuek, "Hauteskundeen ondoren osa daitekeen gobernua edozein dela ere". Horrela egiten ez bada, mobilizazioak antolatuko dituzte hezkuntza sistema osoan.