Indarkeria matxistak 2022an izan duen gorakada gaitzetsi du Nafarroako Parlamentuak. Espainiako estatuan azken asteburuan eta gaur bertan izandako hilketak salatzeko elkarretaratzea egin dute parlamentariek, ganberaren atarian.
Adierazpen instituzional bat onartu dute, halaber, goizeko Mahai eta Eledunen batzordean. Indarkeria matxistaren gaitzespen irmoa egiteaz gain, berdintasunean hezteko eta biktimentzako baliabideak ezartzeko beharra jaso dutr testuan.
Adierazpena, "urria" dela saltu du Ahal Duguk. Mikel Builek azaldu duenez, onarpena ez oztopatzeko eman dute baiezkoa.
Atzo urtebete bete zen senarrak Sara Pina hil zuenetik, Tuteran. Iazko abenduaren 19an, berriz, Kortesko Maria del Carmen Ruiz hil zuen haren senarrak kolpeka, Zaragozan.
