Euskarabideak Mattín eta Kattalin proiektuaren baitan zazpi bideo berri argitaratu ditu. Ekimenak Nafarroako euskarazko tradizioa, zehazki haur folklorea, familiei eta haurrei modu gaurkotu eta erakargarrian eskaintzeko ikus-entzunezko bilduma eskaintzea du helburu. Horretarako hainbat bideo labur eskaintzen ditu euskararen institutu publikoak. Ikus-entzunezkoak honako webgunean kontsulta daitezke: https://www.mattinetakattalin.eus/
2021ean hasi zen proiektua 5 bideorekin. 2022. urtearen hasieran beste zazpi aurkeztu zituzten eta orain gai ezberdinak jorratzen dituzten 7 bideo berri prestatu dituzte, honakoak dira izenburuak: 'Horra! Horra!', 'Hondartzako bidean', 'Pasa gabon', 'Film bat ikusiko dugu?', 'Katua falta, sagua kanta', 'Gau Beltza' eta 'Gora San Fermin!'.
Mattin eta Kattalin ikus-entzunezko proiekturako 7 bideo berri hauek ekoizteko 24.805 euroko inbertsioa egin du Euskarabideak, kontratua lizitazio bidez esleiturik. Proiektu hau Espainiako Kultura eta Kirol Ministerioak diruz lagundu du.