"Garaiko egoera guztiz berezia" aitortzen du Kontuen Ganberako txostenak, akordioa sinatutako unearen testuingurua egiterako orduan, "Garai hartan maskarak erostea oso zaila zen" eta horri erantzunez sinatu zuten akordioa Sodena sozietate publikoak, Enpresarien Elkarteak eta Albyn musukoen banatzaile enpresak. Hiru aldeen arteko tratua izan zen, beraz hiruek dute gerokoan erantzunkizuna.
Kontuen Ganberak ordea hitzarmenak "hutsune batzuk dituela" ikusten du bere azterketan; "Enpresek ez zutela konromiso irmorik hartu Albynek erositako maskarak erosteko". Honen ondorioz, Kontuen Ganberak dio "Hitzarmenak ez zuela behar bezala babesten bertan inplikaturik zegoen diru publikoa".
Hiru aldeen arteko akordioa izanik "Soluzio juridiko bakarra ez dago eta, gainera, kaltegarria litzateke auzia epaitegietara eramatea" dio txostenak. Prozesuaren judizializazioak oraindik erabilgarriak diren maskaren aterabidea zailduko luke.
Konponbiderako, "hiru aldeen arteko bitartekaritza" izan liteke Kontuen Ganberak proposatzen duena, "Biltegian dauden maskarak ahalik eta azkarren ateratzeko, haien iraungitzea sahiestuz".
