Irribarretsu, pozik, azaldu da Juan Cruz Alvaro 30 urteko atzelaria gaurko prentsaurrekoan. Egindako lanarekin pozik eta 2026 urtea arte kontratua berritzeko aukeraz harro.
Braulio Vazquez zuzendari teknikoarekin batera egin du agerraldia, biek nabarmendu dute, kontratua berritzeko harremanak irailean hasi zirela.
Behin eta berriro errepikatu du jokalari madrildarrak, lehen urtean maila eman ez zuen arren, gerora hobekuntza lortu zuela eta eroso sentitzen dela, zelaian, Taxoaren eta Iruñean ere. Haren senideek ere Osasunaren inguruarekiko dituzten esker oneko hitzak nabarmendu ditu eta azpimarratu egun bere burua bertan sentitzen duen modua eta zaleengatik jasotzen duen babesa, amets modukoa egiten dutela egoera eta horregatik harro sentitzen dela, pozik.
Balantzea
2026 urtea arte berritu du kontratua. Gero Brauliok jokalarien inguruko balantzea egin du, tartean nabarmendu du gorritxoek milioi euro erdi inguru jasoko dutela Abde eta Budimirren nazioarteko taldeek azken asteetan emandako errendimenduarengatik eta ez duela espero fitxaketarik egin behar izatea, neguko merkatuan jokaririk joaten ez bada behintzat.