Jon Arretxe Pérez idazle bizkaitarra.
Arbizun, Sakanan, bizi da duela 18 urte.
Filologoa, Kirol Hezkuntzan ere lizentziaduna, Kirolzalea, piano-jotzailea eta opera kantaria ere bada. AGAO (Asociación Gayarre de Amigos de la Ópera) elkarteak antolatutako opera eta zarzueletan abesten du.
30 bat libururen egilea. Haietako askotan bizikletaz egindako bidaietan ikusitakoak bildu ditu (Sahara, Amazonas, Karakorum, India, Txina, Nepal, Sumatra, Turkia…), nobela beltza eta bidaia literatura uztartuz. Azken urteotan etorkinen bizimodua erakutsi digu Toure pertsonaiaren bidez.
Orain saga honetako bederatzigarren liburua atera du: ‘Lyrica garaia’
Toure Burkina Fasoko etorkina da saga honetako protagonista, sasi detektibe, sasi igarle eta zorte txarreko persona, zalantzarik gabe.
Munduko hainbat tokitatik ibili ondoren Afrika Txikira, Bilboko San Frantzisko auzora itzuli da oraingo honetan. Sa Kene, bere lagun berezia, edo bikotearengatik kezkatuta dago….
'Lyrica Garaia' SINOPSIA
Bilboko Afrika Txikira itzuli da Toure. Sa Kenegatik kezkatuta dago, Madrilen bisita egin zionean gorputzean markak eta beltzuneak igarri baitzizkion. Gure sasidetektibea argitzen saiatuko da bere amorante lagunari zer gertatzen ari zaion, bidean oztopoak aurkituko baditu ere, eta min ematen duten egiak.
Prostituziorako lege berria dela, gentrifikazio-prozesua dela, hiri osoko aldaketa sakonak direla…, auzoa, nola edo hala, aurre egiten ari zaio etorkizun hurbileko errealitate zalantzagarriari.
Baztertuen munduan girotutako Lyrica Garaian, Toureren sagako bederatzigarrenean, Jon Arretxek maisuki tartekatu ditu auzoko giroari buruzko deskribapenak eta pertsonaien arteko elkarrizketa gogoangarriak, umoreari iskin egin gabe. Trama bizi eta zorrotzak irakurlea harrapatu eta ustekabeko amaiera batera eramango du.
