“Politika lokazten” ari dira eskuinetik. Hala salatu dute gobernuko kideek gaur Mahai eta Eldunen batzordearen ondotik. Espainiako Kongresuan duten ezintasuna ikusita, atzoko egindako elkarretaratzea gutxiesteko erakundeen arteko akordioak saiakera dela iritzi diote. Galdera bat luzatu die UPN eta PPN alderdiei Geroa Baiko Uxue Barkosek: “Trafiko eskumenaren aurka al zaudete?”
Navarra Sumako Marta Alvarezek erantzun du galdera hori. Eskumena Nafarroara ekartzearen alde daudela zehaztu du, baina ez dutela bat egiten egin den moduarekin: “Gobernuen artean adostu beharrean, EH Bildurekin adostu dute data”.
Gaur ez dute egin, baina eskumen aldaketaren bitartez, Guardia Zibila Nafarroatik kanporatuko dutela esaten ari dira eskuineko alderdiak. Gezurretan ari direla gogorarazi die Ahal Duguko Mikel Builek, eta eskuinaren diskurtsoa erabat ezeztatu du PSNko Ramon Alzorrizek ere. Eskumen aldaketa legegintzaldia amaitu aurretik eginen dela ziurtatu du ordezkari sozialistak.