Lau metroko altuerako estatua paratu dute Tafallan Nafarroako Pedro Mariskalaren omenez, haren heriotzaren 500. urteurrenaren karietara. Simancasko gazteluko ziega batean zendu zen Nafarroako erresumaren independentziaren defendatzaile behinenetako bat. Estatua Iñaki Villanuevak egin du, eta larunbateko omenaldi ekitaldia Altafalla fundazioak eta Tafallako Udalak antolatu zuten. Gaizka Aranguren kazetariak gidatu zuen, eta bertsolariak eta jota abeslariak izan ziren. Antolatzaileek azaldu zutenez, Villanuevaren burdinazko estatuak hiru oinarri ditu: defendatu zuen lurra, Nafarroako armarria eta ezpataren punta”. Oraindik badago estatuaren finantzazioan laguntzerik, Laboral Kutxan horretarako zabaldu duten kontuaren bitartez.
1521ean Simancaseko leotzean hilik agertu zen Nafarroako Pedro Mariskalari gorazarre bere sortetxean. #Altaffaylla pic.twitter.com/o8zDHTFWVh
— Gaizka Aranguren Urrotz (@gaizkaranguren) November 26, 2022