Ekaineko suteek 15.000 hektarea kiskali dituzte Nafarroan. Errigoraren aburuz, “zalantzarik gabe hondamendia izan da, baina suhiltzaile basozain, nekazari, abeltzain eta herritarren arteko auzolana erabakigarria izan da erabateko tragedia saihesteko”. Hian zuzen ere “auzolanak etenik izan ez dezan” antolatu dute diru bilketa.
Bi lan ildo izanen dituzte: batetik, herriguneak babesteko suebaki berdeak sortuko dituzte; bestetik, abeltzaintza estentsiboa sustatuko dute, “azienda izan dadin suhiltzailerik eraginkorrena”.
Bildutako dirua nola erabili erabakitzeko batzorde berezia osatu dute. Horretan izanen dira Mirian Otxotorena (NNPEK), Mikel Tabar (basozaina), Victor Rubio (suhiltzailea), Patxiku Irisarri (EHNE-Nafarroa), Juan Carlos Castillo (NUKF) eta Imanol Ibero (Errigora).
Diru ekarpenak Errigora.eus webgunean egin daitezke, edo edo ES61 3035 0042 94 0421091052 kontu korrontean.