“Vasconavarro soy, del valle del Roncal”. Hala dio Julian Gaiarre tenor nafarrari eskainitako kantuak. Eta horren gainean tronpetarekin inprobisazioa egin du Ion Celestino tronpeta jotzaileak, Gaiarre antzokiko oholtzan. Celestino Broken Brothers taldeko kidea da, beste hainbat musika proiektutako aitabitxia, eta Euskalerria Irratiko kolaboratzailea. Atzo, Euskalerria Irratiak Gaiarre antzokiko oholtzatik egin zuen goizeko magazina, Metropoli Forala, eraikinaren 90. urteurrena eta irrati iruindarraren denboraldiaren amaiera ospatzeko. Celestinok saio berezi horren baitan egin zuen inprobisazioa.