Gobernua Ceutarekin harremanetan jarri da dagoeneko Nafarroak hartuko dituen bakarrik dauden sei adingabe atzerritarren "lekualdaketa berehala egiteko", Mari Carmen Maeztu Eskubide Sozialen kontseilariak azaldu duenez.
Ahal Duguk parlamentuko batzordean egindako galdera bati erantzunez, Maeztuk "oso positibotzat" jo du Espainiako Eskubide Sozialen Ministerioak hartutako neurria, izan ere, "Erkidego guztien artean banaketa homogeneoa egiteko irizpide solidarioak dituen lehen aldia da.
Nafarroara iristerakoan, hemengo harrera zentroan haien beharrak aztertuko dituzte, lehenik. Bat eta hiru hilabete arteko fasea amaituta, haien egoerara hobekien egokitzen den bitartekora bideratuko dituzte, gizarte eta lan inklusioa helburu.
