Sarek, Bake Bideak taldearekin batera antolatuta, Euskal Herriko 650 tontor igo dituzte asteburuan, presoen egoeraren inguruan egiten ari diren urratsak “etxerako bide bilakatzeko”.
Sareko kideak pozik agertu dira lortutako emaitzarekin, eta parte hartzaileak zoriondu dituzte, Twitter bidez: "Izugarriak atzo mendiz mendi jaso genituen Irudiak, 650 tontor igo genituen presoak etxeratzeko bidean, ibilian-ibilian. Aurrera goaz, baina oraindik bidea dugu egiteko".
ZORIONAK❗
— Sare #IzanBidea ↗️ (@sare_herritarra) May 9, 2021
Izugarriak atzo mendiz mendi jaso genituen Irudiak, #650tontor igo genituen presoak etxeratzeko bidean↗️↗️⛰️⛰️ ibilian ibilian???????? Aurrera goaz, baina oraindik bidea dugu egiteko!
Animo! ???????????????????????? #IzanBidea pic.twitter.com/CdNNJCpB6k
Antolatzaileek adierazi dute “aldaketa garai bat” izaten ari dela espetxe politikan, “sakonekoa eta errokoa ez den arren, aurreranzko urrats gisa” irudikatzen dutena: “Egiten ari diren gerturatzeek ez dakarte urruntze politikaren amaiera, ez eta salbuespen legediaren deuseztapena ere; urteetan lehortea jasan duen lurrazal urratuan euri tanta bakanak dira”.
Horiek horrela, euskal gizartea “aukera paregabe baten aurrean” dagoela nabarmendu dute, eta baliatu beharra dagoela, larunbatekoaren gisako ekinbideekin bultza eginez: “Euri tanta horiek ura egon badela adierazten dute, eta tanta horiek ez lirateke sekula iritsiko urte hauetan zehar kalean elkartu garen milaka eta milaka herritarren insistentziarik eta aktibaziorik gabe".
