Hego Euskal Herriko lau hiriburuetan, Bartzelonan, Madrilen eta Burgosen pantailaratu dute asteburuan Mikel Zabalzaren auzia aztertzen duen pelikula, arrakasta handiz; izan ere, asteburuan bosgarrena izan da Espainian pelikularik ikusienen zerrendan.
Horretaz gain, tokia hartu du agenda politiko eta mediatikoan. Madrilgo estreinaldian, Espainiako Gobernuko presidenteorde Pablo Iglesiasek eta Berdintasun ministro Irene Monterok parte hartu zuten.
Mendiak ere izan du auzia hizpide
Asteburuan, halaber, Eusko Jaurlaritzako lehendakariorde eta PSEko buru Idoia Mendiak ere hitz egin du pelikulaz asteburuan. Zehazkiago, pelikularako dokumentazio lanetan azaleratu diren Alberto Peroteren eta Pedro Gomez Nietoren arteko torturari buruzko grabazioez. Mikel Zabaltzaren auzia azkeneraino ikertu behar dela esan du, baita tortura onartezina dela ere. Mendiak dio Mikel zabaltzaren auzia ikertu beharra dagoela, dena argitu arte. Eta bere alderdi indarkeria mota guztien aurka dagoela.
