Zahar etxeetan pandemiak agerian utzi dituen gabeziak salatzeko eta konponbideak eskatzeko nahiz egoitzen inguruko hausnarketa eskatzeko protesta egin zuten hainbat lagunek larunbatean. Zaintza “eredu publiko eta duina" aldarrikatu dute.
Adinekoen etxeetan senideak dituzten eta horietan norbait hil zaien hainbat pertsonak osatu dute Zainduz elkartea. Larunbatekoa izan da antolatu duten lehen ekitaldia. SOS zahar egoitzak. Zaintza erdigunera, publikoa eta duina zioen pankarta batean egin zuten Misericordia Etxetik Nafarroako jauregira bitarteko bidea. Zahar etxe horren barruan ere egoiliar batzuek protesta egin zuten.