Atzo 1.925 PCR proba egin zituzten Nafarroako sare publikoan eta horietatik 97k positibo eman dute. Atzo baino positibo gutxiago dira, eta tasak ere behera egin du apur batean. Proben %5k eman du positibo azken egunean. Hala jakinarazi du Santos Indurain Osasun kontseilariak prentsaurrekoan, eta nabarmendu du atzokoa "PCR gehien egin diren bi egunetako bat" izan zela Foru Erkidegoan.
Atzo zortzi ospitaleratze berri izan ziren. Ospitaleetako egoera "egonkorra" dela adierazi du kontseilariak. Gaur egun 57 pertsona daude ospitalean, horietako zazpi ZIUn, 45 plantan eta bost etxean.