Gaueko aisialdia:
- Dekretu berriak zuzenean itxi egiten ditu diskotekak, dantza-aretoak eta kopa-tabernak, hauek zuzeneko emanaldirik eduki edo ez.
- Taberna eta jatetxeen itxiera goizaldeko ordu batetara aurreratu dute. Tabernetan ezin izanen da bezero berririk onartu 00: 00etatik aurrera.
Ekitaldi jendetsuak:
- Osasun-agintaritzaren arrisku-ebaluazioa eta autonomia-erkidegoaren baimena beharko da ekitaldi jendetsuak egin ahal izateko. Beraz, ekitaldi bakoitza bere aldetik ikertuko dute.
Ostalaritza:
- Establezimendu, lokal eta terrazetako barretan gutxienez 1,5 metroko pertsonarteko distantzia bermatu beharko dute.
- Mahaien edo mahai-taldeen arteko gutxieneko distantzia ere bermatu behar dute (1,5 metrokoa). Taldeak gehienez 10 pertsonakoak beharko dute izan.
Kalean, debekuak nagusi:
- Gaurtik debekatuta dago bide publikoan edo aire zabalean erretzea, bi metroko distantzia bermatu ezin bada. Beraz, bi metroko distantziarekin baino ezin da erre kalean.
- Baimendu gabeko alkohol-kontsumoa eta bide publikoan baimendu gabeko beste jarduera batzuk eragozteko kontrolak ezarri behar direla dio dekretuak..
Zentro soziosanitarioak:
- Zentro soziosanitarioetako egoiliar berri guztiei PCR probak eginen zaizkie, 72 orduko aurrerapenarekin, gehienez ere. Baita langile berriei eta baimen eta oporretatik itzultzen direnei ere.
- Egoiliarrek pertsona bakar baten bisita jaso ahalko dute erresidentzietan, egunean ordubetez gehienez eta eskaladan. Eta egoiliarren irteera ahalik eta gehien mugatuko dute.
- Agerraldi epidemikoren bat gertatuz gero, talde espezifikoei PCR bidezko baheketak egiteko betebeharra ezartzen du dekretuak.