Ez da aste honetan egingo duten mobilizazio bakarra. Gaur bertan, arratsaldeko 19:00etan, Agoizko Merkatu plazan, Irati Bizirik herri plataformak herriarentzako batzar informatibo bat egingo du, eta bertan Enpresa Batzordeak ere parte hartuko du. Ondoren, giza mosaiko bat egingo dute Merkatu plazan bertan. Bihar, bestalde, enpresarekin bilduko da langile batzordea. Neinsako lankideek elkarretaratzea egingo dute lantegiaren aurrean, babesa adierazteko eta larunbatean, berriz, Irati Bizirik plataformak deitutako manifestazioarekin bat egingo dute lengileek, 19:00etan.
Euskal Herriko Eskubide Sozialen Kartak bat egin du Agoizko langileen deialdiekin, eta gaur hamarretan Nafarroako Parlamentuko atarian egingo den elkarretaratzera joateko deia egin du.