David Mansoa Oteizako triatletak erronka bat jarri zion bere buruari: etxeko eskailerak igo eta jaistea, Everest mendiak neurtzen dituen 8.848 metroak pilatzeko adina aldiz. Everesting izena jarri zion erronkari, eta atzo bete zuen. Horretarako, 2.665 aldiz igo eta jaitsi behar izan zituen bere etxeko 19 eskailera-mailak.
Tri Ur Gazia triatloi taldearen Facebookeko kontuak zuzenean eman zuen erronka. Proiektuaren helburua COVID-19ren aurkako borrokarako dirua biltzea da, eta nahi duenak dohaintza egin dezake ES50 3008 0002 6131 6465 1428 kontu-zenbakiaren bidez (Rural Kutxa), Everesting Responde kontzeptuarekin, edo bizum bat 650038057 telefono-zenbakiaren bidez.
Lizarrako Tri Ur Gazia triatloi klubak Gurutze Gorriaren Responde ekimenarekin bat egin du. Gurutze Gorriak abian jarritako plan bat da, birusaren ondorioz zaurgarritasun egoeran dauden pertsonei laguntzeko.