2019ko urtarrilean, Maravillas Gaztetxea hustu zuen poliziak. Gazteak protesta egiteko Labrit aldapako errepidea moztu zuten, Espainiako polizia haien kontra oldartu zen. Beste kazetari batzuekin batera, istiluen berri ematen ari zen Iñigo Orduña Ahotsa.info-ko kameralaria bertan, poliziak haien kontra egin zuenean. Orduñak poliziaren identifikazioa eskatu zuenean, bera ere identifikatu zuten agenteek. Urtebete pasata isuna ailegatu zaio.
Nafarroako Albistari Grafikoen Elkarteak isuna salatu eta berriz ere mozal legea bertan behera geratzea eskatu du. "Araudi horrek gure lanbidean askatasunez aritzea eragozten du, eta, aldiz, oso eraginkorra da eskubideak murriztuz" adierazi dute ohar batean.
Bideo honetan ikus daiteke Orduñak salaketa jaso zuen unea: