Iruñeko espetxean hainbat astez izan dira mediku zerbitzurik gabe. Kartzelako 3 medikuetatik, bat soilik dago lanean uneotan. Nafarroako Gobernuak egoeraren kudeaketa salatu egin du. Izan ere, kartzela barruko osasun zerbitzua estatuaren menpe dagoen eskumena da eta Espainia osoan arazo larriak ditu gobernuak kartzela medikuak topatu eta zerbitzua bermatzeko. Horregatik, Nafarroako Gobernuak, espetxe barruko osasun arretaren eskumena eskatu du, bertan kudeatuta izateko.
Azken urteotan kartzela medikuen %40ak erretiroa hartu du eta Estatuak ezin izan du ordezkorik aurkitu. Eduardo Santos justizia kontseilariak parlamentuan azaldu duenez, espetxeko osasun zerbitzuaren eskumena lortzeko bidean aurrerapausu aunitz eman da azken hilabeteotan eta estatuko gobernu berriak, disposizio osoa azaldu du horrela gerta dadin.
Une honetan, 3 mediku eta 3 erizainen lantaldea dago Iruñeko 295 presoendako.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.