Nafarroako Parlamentua izan dira gaur 78ko Sanferminak Gogoan plataformako kideak. Argentinako kereia dela eta Rodolfo Martin Villa ministro ohiaren deklarazioa gertatu dadin Espainiako Gobernuari "beharrezko neurriak" har ditzala eskatzeko galdegin diete parlamentariei.
Deklaratzeko prest azaldu da Villa, Servini epaileak hainbat saiakera eta eskaera egin ondoren. Madrilgo Argentinako enbaxadan zegoen aurreikusita deklarazioa, martxoaren 20rako. Espainiako Justiziak, baina, geldiarazi egin du. Ekitaldi horretarako nazioarteko exhorto bat behar dela uste du justiziak.
"Zangotraba horiek" gogor kritikatu dituzte plataformako kideek. Haien babesa "oso garrantzitsutzat" jo dute garai hartako "amnesiaren dinamika hausteko"; izan ere, asmoa ere ez da Martin Villa bere adinean espetxeratzea, "bere erantzukizuna zehaztea baizik, eta hori epaiketa justu batean bakarrik egin daiteke".