Gaur egun, ‘2+1’ irtenbidearen alde egiten du Gobernuak eta aurten obrak eginen ditu zenbait tokitan. Honen arabera bi errail izanen dira, bana norabide bakoitzean, baina zenbait puntutan, aurreratzeko, hirugarren errail bat izanda. Navarra Sumak ez du konponbide hau ontzat jotzen, etorkizuneko garapena mugatuko lukeelako. Eskuinaren soluzioa ohikoa da, porlanarena, N121 errepidea autobide bihurtzea proposatu baitute.
Baina azpiegituraz gain, errepide horren garraio isuriak ere kezka pizten du. Geroa Baik eta EH Bilduk, kamioien gehiegizko zirkulazioari heldu behar zaiola defendatu dute. Geroa Bairen kasuan, zenbait egun eta orduetan kamioen zirkulazioa mugatzea proposatzen dute. EH Bildun aldiz, poltsikoetara begiratu eta N 121ak beharrezkoak dituen obrak ordaintzeko, kamioendako bidesarien aukera ez dute baztertzen.
