UPNren Batzorde Exekutiboak astelehen honetan egindako bileran onartu du alderdi erregionalistaren XII. kongresua egiteko beharrezko pausoak ematea, bere estatutuek ezartzen dutenaren arabera.
Estatutu horietan jasotzen denez, Kontseilu Politikoak, lau urtean behin, eta Batzorde Exekutiboak proposatuta, afiliatuen batzar nagusia deituko du alderdiaren kongresuan.
Hori dela eta, UPNk bere Kontseilu Politikoa deituko du larunbat honetan, 2020ko lehen hilabeteetan egingo den kongresuaren data eta xehetasunak zehazteko, alderdi erregionalistak ohar batean jakitera eman duenez.
2015eko irailean jarri zen Javier Esparza UPNren buru, Yolanda Barcinaren ondorengo moduan.Bitan saiatu da Nafarroako Presidentzia eskuratzen eta bitan huts egin du. Azken urtean, Navarra Suma markan sartu du UPN, eskuinako beste alderdiekin batera, PSNrekin izan zitezkeen akordioei atea itxiz.
