Maria Txibitek Navarra Sumarekin eta EH Bildurekin izandako bileren ostean, Ramon Alzorriz PSNko Antolakuntza idazkariak babestu egin du Gobernuaren erabakia, "gobernua sostengatzen duten lau talde politikoek sinatutako legegintzaldiko akordioan jasotako neurri aurrerakoiak eta sozialak aurrera eramatea ahalbidetuko duten kontuak berresteko ezinbestekoa delako".
Ezin ahantzi daiteke bileraren ondoren Navarra Sumako eledun Javier Esparza oso gogor mintzatu dela Txibiteren eta alderdi sozialistaren aurka, esanez “iraina” dela koalizio eskuindarrarentzat EH Bildurekin parekatzea.
PSNko Antolakuntza idazkariak "Parlamentuan ordezkaritza duten alderdi politikoekin elkarrizketa" defendatu du, "Nafarroarako aurrerapena bilatuz". Parlamentuko “eguneroko lanean elkarrizketa iraunkorra aurrekontuei begira egingo da orain", ziurtatu du.
"Gure autogobernuarekiko errespetua eta gure erkidegoko erakunde eta ikurren defentsa edozein motatako eztabaidatik at" daudela adierazi du Alzorizek, eta "aurrera egiteko apustua" egin du, "Nafarroa lehiakorrago, irekiago eta pertsonekiko konprometituago baten alde".
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
