Eguraldia txarra izan da asteburuan eta zaildu du errepideetan ibiltzea. Olga Comes Donibaneko presoaren senitarteak Villabonatik zetozen, Asturiasetik, 440 kilometroko bidaia. Altuben gora, furgonetak irrist egin eta bidetik atera egin zen. Presoaren bi senide zeuden kotxe barruan, haietako bat adin txikikoa gainera. Bisita egiterako bidean, Comesen senitartekoek izaten duten hirugarren istripua izan da.
“istripu honek, dispertsioarekin berehala amaitu behar dela erakusten du” adierazi du Etxerat elkarteak. Gaur, gertatutakoa salatu eta dispertsioarekin amaitzeko eskatzera dei egin dute, 20:00etan Gobernu ordezkaritzaren aurrean eginen den elkarretaratzean.
