Javier Remirez Nafarroako Gobernuko bozeramailea "pozik" agertu da 2016ko Sanferminetako talde bortxaketa grabatzeagatik bi kide zigortzen dituen epaiaren ondore, “gizarte osoari, eta, zehazki, horrelako ekintzak egin nahi dituzten gizarteko sektoreei, bidaltzen zaien mezuagatik".
Gobernuaren bilkuraren osteko prentsaurrekoan, Remirezek modu "positiboan" baloratu du epaia, eta adierazi du "eskatutako espetxe zigorrik handienak eta Nafarroako Gobernuak zein Iruñeko Udalak eskatutako isunik handiena" ezarri zaizkiela.
Bozeramailearen hitzetan, "zero tolerantzia” adierazi du “jarrera matxistekin eta sexu erasoen maila gorenarekin". Halaber, epaia aztertuko dutela jakinarazi du, eta "gerora errekurritu daitekeen ekintzaren bat bada, aztertu egingo da".
