Ostiralerarte epea du LAB sindikatuak, Nafarroako Gobernuak egindako gonbiteari erantzuteko. Pasa den astean, Manu Aierdi kontseilariak Elkarrizketa Sozialerako Kontseiluan enplegu plana osatzeko eginen diren bileretan parte hartzera gonbidatu zuen LAB. Sindikatu abertzaleak ez du erantzun eta ez du eginen, Nafarroako Gobernuak, UGT, Comisiones Obreras eta CEN-ek Nafarroako lan esparru propio eta langileendako baldintza duinak bermatzen ez diren bitartean.
Elkarrizketa Sozialerako Kontseiluaren izaera bera salatu du LAB sindikatuak. UGT, Comisiones Obreras eta Enpresarien Konfederazioa diruz laguntzeko foroa dela dio LAB, beraz zentzugabekeria da berriz ere Kontseilua berpiztea.