UGT sindikatuaren helegiteari men egin dio epaitegiak eta 2017ko euskararen dekretuaren alor garrantzitsuenak bertan behera utzi ditu. Administraziorako lan deialdietan, euskara ezagutzea ezingo da meritu bezala baloratu, Euskararen Legearen araberako eremu misto eta eremu ez euskaldunean. Epaitegiak baliogabetu du halaber dokumentu, inprimaki, komunikazio, iragarki, errotulazio, publikazio, ibilgailu eta errepideetako seinaleetan, elebitasuna ezartzen zuen araua.
Euskararen ezagutza derrigorrezkoa ez den lanpostu publikoetarako deialdietan euskararen ezagutza balortazea diskriminazioa dela esaten du auzitegiak gaur goizean publiko egin den sententzian. %7ko puntuazioa ezartzen zuen dekretua eta epaitegiak neurrizkanpokoa dela adierazi du, diskriminatzailea dela gaineratuz.
Inprimaki, publikazio, iragarki, dokumentazio, errepideetako ikur edo ta ibilgailuetan euskararen presentziaren inguruan, euskararen dekretuak ezartzen zuen elebitasuna bertan behera geratu da ere, zonalde mixtoa eta zonalde ez euskaldunari dagokionez. Administrazioa, zentrala eta lurralde osorako bada ere, Euskararen Legeak ezartzen duen erabilera eta eskubideen gainetik ez baiteke aritu, dio epaitegiaren erabakiak.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
