Gaur goizean hasi da Madrilgo Auzitegi Nazionalean preso politikoen elkartasun lana egiteagatik auziperatutako 47 pertsonen kontrako epaiketa. Lehendabiziko sesioan, akordioa lortu dute fiskaltzarekin, zigor eskariak jeitsi eta ia guztiek, 45ek kartzelan sartu behar ez izateko. Aske geratu dira, besteak beste, Nafarroako 12 pertsona auziperatuak.
Euskalerria Irratian, Amaia Izko abokatu eta auziperatuak azaldu duenez “modu kolektiboan hartu dugu akordioa onartzeko erabakia”. Adierazi du “Arantxa Zuluetak eta Jon Enparantzak ardura eta borondatea erakutsi dutela, bost hilabeteko kartzela zigorra onartuta, beste guztiak kalera irtetzearen truke”.
Erabaki honek, eragina izanen du Iruñeko udalean. Amai Izko, fiskaltzak leporatzen zizkiotenak onartuta, kargu publikoetarako desgaituta geratzen baita. Izkok, Iruñeko zinegotzi kargua utzi beharko du beraz eta EH Bilduk ordezkoa izendatu beharko du. “Bagenekien hori zela ere onartu beharreko arantza, baina bi pertsonek kartzelara joango direla onartuta, arantza txikia da nerea” azaldu du Amaia Izkok.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
