LAB: "Ez gaituzte geldituko, ez dute gure borroka sindikala baldintzatuko"

Euskalerria Irratia 2019ko ira. 13a, 13:30

Protesta baketsu batean parte hartzeagatik, LABeko kide Imanol Salinas espetxeratu nahi dute, helegitearen erabakiaren zain dago. 21 hilabeteko kartzela zigorra ezarri diote 2018an La Sangiovesako lan gatazka salatzeagatik.

Imanol Salinasi babesa erakusteko, eta azken hilabeteotan handitu den jazarpen sindikala salatzeko, Iruñeko Justizia Jauregiaren atarian bildu da LAB sindikatua. Iruñeko jatetxea da La Sangiovesa eta lan baldintza guztiz prekarioak zituzten. Iazko uztailaren 7an hasi zituzten protestak jatetxearen kanpoko aldean: pankartekin, pegatinekin eta megafonia bidez adierazten zer gertatzen ari zen lantoki horretan. Enpresa izan zen lehena Salinasen aurkako salaketa jartzen, baina gero fiskaltzak segitu du gaiarekin.

Idazkari nagusi ondoko Igor Arroyoren hitzetan honek ez du borroka geldiaraziko: "Ez gaituzte geldituko, ez dute LABen borroka sindikala baldintzatuko. Injustizia non, LABen megafono bat han egongo da horri aurre egiteko". Mobilizazioak iragarri dituzte egoera salatzeko.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!