Iruñeko, Etxarri-Aranzko eta Donostiako erasoak adibidetzat hartuta, azken hilabeteotan biolentzia ezberdinen biktima izan diren pertsonak oroitzeko jarritako hainbat eta hainbat plakak jasan dituzten erasoak arbuiatu ditu Foro Sozial Iraunkorrak. "Mota honetako sabotaia eta erasoek giza eskubideen urraketa larriak sufritu dituzten pertsonen berbiktimazioa soilik eragiten dute eta baita mina ere beren gertuko senide eta lagunengan, beren familia politikoengan…"
Etxarri Aranatzen Mikel Arregi gogoratzeko plaka bat lapurtu dute. Iruñean hiru aldiz egin diote eraso 1978ko sanferminetako gertakariak gogoratzeko monumentuan ezarritako plakari. Donostian, ETAren bost biktima gogoratzeko lurrean jarritako plakei eraso diete hirutan.