Langabezia 81 pertsonatan igo da abuztuan, baina azken urtean 1.581etan murriztu da Nafarroan

Gizarte Segurantzan afiliatuta dauden 661 pertsona gutxiagorekin amaiera eman zaio hilabeteari, baina 2018an baino 6.946 gehiago dira.

Abuztua amaitzean 31.083 langabe daude Nafar Lansareren bulegoetan erregistratuta. Datu horren arabera, langabezia apur bat igo da %0,26, iazko urtearen antzeko igoerarekin, 81 langabe gehiago izanik. Hala ere, urteko datuak kontuan izanik langabezia gutxitu da %-4,84 eta hala urtebetean 1.581 pertsona langabe gutxiago daude.