Martxoaren 17an, igandean, bi jarduera solidario eginen dira Arbizun. Zumbathoia 11:00etan; eta hasi aurretik, Arbizuko haur lasterketa solidarioa antolatu dute, goizeko 10:00etan. Zure izenean korrika lelopean. 1,2 km-ko proba herrikoia izango da, kiroldegian hasi eta despedituko dena, Perthesa duten familien elkartearen aldekoa. Izan ere, Perthes gaitza duten umeek korrika aritzeko debekua dute, eta horregatik, lasterketa honetan adin guztietako korrikalariek dortsalean perthesadun umeen izenak eramango dituzte, haien ordez korrika egiteko. Dortsalak 3 euroko balioa du.
