Euskalerria irratiaren 30. urteurrenaren ospakizunekin jarraituz, Iruñeko udaletxe plazatik egin dugu gaur Irrintzi Plaza saioa. Gurean kolaboratzaile direnak ekarri nahi izan ditugu saiora, eta horien artean tokiko irratiak izan dira hasieratik gurekin hartu emanean egon direnak. Aralar irratiko Martin Juanena, Karrape irratiko Unai Zabaleta eta Irati irratiko Eneko Villegas izan dira mahaiaren bueltan irratien egoeraz solasean.
Irrati txikiek eskaintzen duten gertutasuna goraipatu dute hiruek. Irratien arteko kolaborazioek irrati bakoitzari egiten dioten ekarpenaz mintzatu dira, eta etorkizunera begira, tokiko irratiek dituzten erronken inguruko hausnarketa egin dute.
