Azkeneko 20 urteotan ez da sexu transmisiozko gaixotasunen inguruko sentsibilizazio kanpaina instituzionalik egin. Hegoak, IHESAren kontrako Nafarroako Herritar Batzordeak, Andraizek, Nafarroako Gazteriaren Kontseiluak, Kattalingorri eta Sare eragileak kezkaz so egin diote kutsaketa kasuen garapenari. Gonorreak esate baterako hamar aldiz biderkatu ditu kasuak azken urteotan. GIB kasuak ere biderkatu egin dira. "Beldurra galdu da" adierazi du Leire Blasquiz, Gozamenez programaren kordinatzaileak, "jadanik ez dugu heriotzaren beldurrik bainan argi izan behar dugu segurtasunik gabeko sexu harreman batek bestelako gaitzak ere sor ditzaketela. Gure osasuna zaindu behar dugu, sexuaz gozatzearekin batera".
Kanpaina abiatuko du datozen egunotan Nafar Gobernuak mezu zuzenarekin: jar ezazu kondoia. Bizi CON, Gozatu CON izena eramanen du kanpainak. Gaztetxoenei zuzenduko zaie kanpaina, bideo, web gune, mugikor aplikazio eta baita eskola eta institutoetan banatuko diren folletoekin. Gazteenak hezitzea helburu du kanpaina honek nahiz eta kutsaketa berri kasu gehienak 20 eta 34 urte tarteko herritarren artean ematen diren. Horregatik guztiei zuzendua: gozatu, bainan gozatu preserbatiboa erabilita.