Atzerritarrek erakunde ofizialetan izaten dituzten oztopoak eta traba burokratikoak aztertu ditugu Iñaki Redin, Nafarroako Paperak Denontzat elkarteko kidearekin. Kazetarien solasaldian, SF Txikiko ustezko politizazioa, Espainiako eta Nafarroako Gobernuaren arteko zorrak eta Kasedako gertakariak mintzagai Berriako Joxerra Senar eta Diario de Noticias egunkariko Ibai Fernandezekin. Santi Leone irakasleak azken egunotako hamar berri bildu ditu Dekalogoan. Hainbat dira 27 urterekin hil diren kantariak: Kurt Cobain, Jimi Hendrix, Janis Joplin, Jim Morrison, Amy Winehouse... Silvia Guillen musikariak 27 kluba taldeko artisten lanak hautatu ditu saioari errematea emateko.
