Iruñeko udal solasaldian, hiriko mugikortasunaz aritu gara: zirkulazio arazoak, pertsonen harrapatzeak, istripuak eta autoen abiadura solasgai. Hiru lagun gure artean: EH Bilduko Patri Perales alkateodea, Geroa Baiko Antso Fernandez eta Aranzadiko Aitor Balbas. Ainhoa Arano milenialarekin whatsapp aplikazioaren berrikuntzak ezagutu ditugu. Gure artean bizi diren migranteen esperientziak jasotzen ditu 'Mugitzen diren pertsonak' izenburuko kanpainak. Munduko Medikuak elkarteko Isa Egiguren kazetariak eman digu horren berri. Asteburuan, III. Azoka Ekologikoa eginen dute autobus Geltoki Zaharrean. Miren Lizasoain ezti egilearen eskutik jaso ditugu xehetasunak.