Irabazi asmorik gabe edota etxebizitza hutsak dituzten jabeei isunik jartzeko xederik gabe ari da lanketa egiten Gobernua. Etxebizitza eskubidea ziurtatzeko asmoz eta erabili gabe dauden etxe hutsak eskuragarri jarri nahi ditu gizarte gaietako departamentuak. Datuen arabera 13.000 etxebizitza leudeke gutxienez hutsik eta horietara jo nahi du alokairuan jarri ahal izateko. Pertsona juridikoenak, norbanakoenak edota enpresenak dira gehinak eta zehazki, pertsona juridikoekin hasi da harremana izaten Miguel Laparra kontseilari den departamentua. 70 jabe juridikok hogeina etxebizitza huts dituzte eta horiekin hasi da lehen kontaktua izaten dituzten etxe horiek behar duten herritarren esku alokairuan utzi ahal izateko.