Piriniotan hartz arrea sartzeko elkarretaratzea omen Hispania Verde kolektiboak 2014ko maiatzaren 12an Erronkarin antolatutakoa. Bailarako gazteek, baina, salatu zuten MSR talde faxistarekin loturiko deialdia zela, eta hartza baino, bestelako helburua zuela. Hori dela kausa, Faxismoaren aurka, Erronkari tinko! lelopean elkarretaratzera deitu zuten. Horren harira, sei antifaxista auzipetu zituzten eta orain jakinarazi du epaileak epaia: hiru auzipetuetako bati 30 hilabeteko zigorra ezarri dio,"atentatua" eta "manifestazio eskubidea urratzea" leporatuta; beste biei, 24 hilabeteko zigorra -beste hiru gazteak absolbituak izan dira-. Behin behinekoa da epaia, eta, beraz, helegitea aurkez diezaiokete.
Alde hemendik eta Utzi bakean oihuak izan ziren nagusi Erronkarin, faxisten elkarretaratzearen aurrean. Herritarrek protesta egin bitartean, Guardia Zibilak babestu egin zituen Zaragozatik iritsitako eta Hispia Verde kolektiboko kide ziren pertsonak.
"Polizia muntaia" izan dela salatu izan dute Erronkari ibarreko herritarrek.