Parlamentarien solasaldian, hiru lagun: Geroa Baiko Jokin Castiella, EH Bilduko Esther Korres eta Ahal Dugu-Podemos alderdiko Ainhoa Aznarez. Besteak beste, Belateko tunelez eta atzoko atxiloketez aritu gara. Berri Txarrak taldeak larunbatean eman zuen kontzertu arrakastatsuaren ondoren, taldekideen adierazpenak bildu ditu eta haien zenbait kanta hautatu dizkigu Ainhoa Arano, Metropoli Foraleko milenial ofizialak. Ongi bizitzea. Zure buruarekin gustora egotea. Horren inguruko kongresua eginen dute asteburuan Tuteran. Nola izan zoriontsu? Horixe galdetu diogu Angel Erro poetari.