Paris 365 jantoki solidariotik egin dugu Metropoli Forala, gaur. Bertako kide Saioa Zabaltza, Sandra Aiape, Itziar Agirrebeitia eta Asier Berastegik erakutsi dizkigute fundazio honek eskaintzen dituen zerbitzuak: ikasketa komunitatea, elikagai saskiak, bigarren eskuko arropa denda, laguntza juridikoa.... Bestelako lagunak ere bildu ditugu gure gaurko irratsaioan: Sasoia elkarteko kide Luis Igeltz jubilatua, biharko pentsiodunen manifestazioaz aritu zaigu. Hipotekek Kalte Eginiko Plataformako Iosu Ostarekin, etxe kaleratzeak gelditzeko lege egitasmoaz hitz egin dugu.