Astelehenero legez futbolaz mintzatu gara. Atzo, Osasunak bat eta huts galdu zuen Huescan. Partiduaren analisia Eñaut Agirrebengoak egin digu. Espainiako Gerra Zibilaren ondorioz, erbestera joan behar izan zuen Luis Elio epaile iruindarrari plaza bat eskaini zaio. Santi Leone historialaria horri buruz solastu zaigu besteak beste, azken egunotako aktualitatea biltzen duen dekalogoan. Generalitateko Presidentak biharko inbestidura saioan parte hartzeko baimen judiziala eskatu du. Puigdemonten egoera juridikoaz hitz egin dugu Patxi Zabaleta abokatu eta legegizonarekin.