Parlamentarien solasaldian, Geroa Baiko Unai Hualde eta EH Bilduko Bakartxo Ruiz elkartu ditugu Abiadura Handiko Trenaz eta Espainia eta Nafarroaren arteko Itun Ekonomikoaz hitz egiteko. 1000 euro baino gutxiagorekin posible al da bizitzea? Angel Erro, Burlatako poetarekin urtarrileko aldapaz, hilbeltzeko maldaz mintzatu gara. Egunotan argirik eta wifirik gabe gelditu den Xabier Agirre Girgillaoko filosofoa ere elkarrizketatu dugu. Saioaren azken zatian, Iker Zia, The Icer Company taldeko kantari eta gitarristaren eskutik Shelagh Mcdonald eta Sixto Rodriguez abeslarien inguruko monografikoa aireratu dugu.