Hezkuntzako zerrenda bakarra, Nafarroako eta Iruñeko aurrekontuak. Gaurkotasun politikoaz mintzatu gara Berria egunkariko Ion Orzaiz eta Gara kazetako Martxelo Diaz kazetariekin. Iruñea kalez kale zeharkatzen jarraitu dugu, gaur. San Zerningo eliza eta Antsoleaga karrika, garai batekoa eta egungoa hobe ezagutzeko parada izan dugu. Xabier Santamaría. Alde Zaharreko semea eta irakaslea izan dugu gidari. Zergatik ez dute haurrek kalean jolasten? Panpinak kantatzen badaki. Kotxea bakarrik dabil. Non gelditu da sormena? Zergatik hausten dira hain erraz jostailuak? Barbie panpina elkarrizketatu dugu gaiaz. Iruñeko Bigarren Zabalguneko merkatura ere jo dugu. Gabonetarako erosketei buruz mintzatu gara Javier Salaberri harakinarekin.